ტურინის "იუვენტუსის" ნახევარმცველი არტურო ვიდალი ხვალ სამედიცინო შემოწმებას გაივლის.

მოგეხსენებათ,რომ ჩემპიონთა ლიგის ჯგუფური ეტაპის პირველი ტურის გუშინდელ მატჩში ლონდონის "ჩელსის" წინააღმდეგ ჩილელმა ნახევარმცველმა ტერფი დაიზიანა.მიუხედავად ამისა,ფეხბურთელმა მატჩი ბოლომდე ჩაამთავრა.

ლონდონელებთან დასრულებული მატჩის შემდეგ ვიდალმა იტალიურ პრესას ინტერვიუ მისცა,სადაც განაცხადა,რომ ტკივილები არ აწუხებდა.მაგრამ,"იუვენტუსის" სამწვრთნელო შტაბის გადაწყვეტილებით ხვალ ფეხბურთელმა სამედიცინო შემოწმება მაინც უნდა გაიაროს.

ასე რომ,ვიდალმა შესაძლოა ტურინელების უახლოესი შეხვედრები გამოტოვოს.