როგორც ავტორიტეტული ინგლისური გამოცემა Guardian იტყობინება,"ჩელსის" მცველი ჯონ ტერი,ჩემპიონთა ლიგის მატჩში "იუვენტუსის" წინააღმდეგ,თამაშს შეძლებს.

პრემიერ ლიგის ბოლო მატჩში "ქპრ"–ს წინააღმდეგ ტერიმ მუხლზე ძლიერი დარტყმა მიიღო და არსებობდა ძალიან დიდი შანსი იმისა,რომ მას "ბებერ ქალბატონთან" ძალზედ მნიშვნელოვანი მატჩი გამოეტოვებინა.

მაგრამ,გუშინ ლონდონელთა კაპიტანმა გუნდის ვარჯიშზე სრული დატვირთვით ივარჯიშა და მუხლზე არანაირი ტკივილი არ უგვრძნია.

გუშინ ასევე სრული დატვირთვით ივარჯიშეს ობი მიკელმა და ხუან მატამ,რომლებსაც ჯანმრთელობასთან დაკავშირებული პრობლემები აწუხებდათ.