შოტლანდიელი ნახევარმცველი, დარენ ფლეტჩერი, გასულ კვირას "გალათასარაის" წინააღმდეგ შეცვლაზე შემოვიდა მინდორზე. ეს მისთვის პირველი მატჩი იყო 10-თვიანი იძულებითი შესვენების შემდეგ. 

ქრონიკული ნაწლავური დაავადება 28 წლის ფეხბურთელის კარიერას სერიოზული ხიფათის ქვეშ აყენებდა, თუმცა ფლეტჩერი არ დანებდა და ხვალ შეიძლება ინგლისის ლიგის თასზე, "ნიუკასლის" წინააღმდეგ ითამაშოს.

"ფლეტჩერი ნამდვილად ითამაშებს "ნიუკასლის" წინააღმდეგ", -განაცხადა "ემიუს" თავკაცმა, სერ ალექს ფერგიუსონმა, - "შეიძლება "ტოტენჰემთან" მატჩშიც მიიღოს მონაწილეობა. ყველაფერი იმაზეა დამოკიდებული, თუ როგორ იგრძნობს თავს ოთხშაბათს. იგი სრულად ჩაატარებს შეხვედრას პირველად, 10 თვის შემდეგ".