"ბარსელონას" პრეზიდენტმა სანდრო როსელმა კატალონიურ რადიოსთან საუბარში განაცხადა, რომ უახლოეს მომავალში გუნდის ლიდერ ლიონელ მესის ახალ, გაუმჯოებესებულ კონტრაქტს შესთავაზებენ.

არგენტინელის ამჟამინდელ ხელშეკრულების ვადა 4 წელიწადში გასდის, თუმცა როგორც ჩანს, "ასულგრანას" ბოსები თადარიგს აქედანვე იჭერენ, რათა მომავალში რაიმე მოულოდნელობა გამორიცხონ.

"მართალია მესის ჩვენთან კონტრაქტი 2016 წლამდე აკავშირებს, თუმცა ჩვენ 4 წელი ლოდინს არ ვაპირებთ და გვინდა არგენტინელს გაუმჯოებესებული პირობები ახლავე შევთავაზოთ".

როსელს "რეალის" შიდა არეულობებზეც სთხოვეს კომენტარის გაკეთება, რაზეც მან მიუგო, რომ ეს მადრიდელების პრობლემაა და იგი სხვა კლუბების შიდა სამზარეულოთი არ ინტერესდება.