"მანჩესტერ სიტის" მთავარმა მწვრთნელმა საკუთარი გუნდის დღევანდელი მეტოქის მიმართ კომპლიმენტები არ დაიშურა.

"არსენალი" - მსოფლიოში ერთ-ერთი საუკეთესო კლუბია.მათ "ლივერპულთან" სტუმრად გამართულ მატჩში ეს დაამტკიცეს.სწორედ ამ მატჩის შემდეგ დავრწმუნდი,რომ ლონდონელებთან სამი ქულის მოპოვება ძალიან გაგვიჭირდება.ისინი ძალიან ძლიერები არიან,განსაკუთრებით კონტრშეტევებზე",-განაცხადა მანჩესტერელების მთავარმა მწვრთნელმა რობერტო მანჩინიმ.

"მიუხედავად იმისა,რომ "არსენალი" გასულ ზაფხულს რობინ ვან პერსიმ და ალექს სონგმა დატოვეს,არსენ ვენგერის გუნდი მაინც ბრძოლისუნარიანი ფეხბურთელებით არის დაკომპლექტებული და დარწმუნებული ვარ ისინი ჩემპიონობისთვის იბრძოლებენ".

"მე ძალიან მომწონს პოდოლსკი,კასორლა და ჟირუ."არსენალმა" ზაფხულის სატრანსფერო ფანჯარაზე ძალიან კარგად იმუშავა.ჩემთვის "არსენალი" - ფანტასტიკური კლუბია",-დაასრულა იტალიელმა სპეციალისტმა.