ჩემპიონთა ლიგის პირველი ტრის შეხვედრაში პსჟ-მ კიევის "დინამო" 4:1 გაანადგურა, პირველი გოლი პარიზელთა ახალწვეულმა ზლატან იბრაჰიმოვიჩმა გაიტანა, რომელმაც თავისებური რეკორდი დაამყარა - "იბრა" პირველი ფეხბურთელი გახდა, რომელსაც ჩემპიონთა ლიგაში 6 გუნდის მაისურით აქვს გოლი გატანილი ("აიაქსი", "იუვენტუსი", "ინტერი", "ბარსელონა", "მილანი" და "პსჟ"). ვერაფერს იტყვი, მართლაც უნიკალური შედეგია, რაც იბრაჰიმოვიჩის მაღალ დონეს კიდევ ერთხელ უსვამს ხაზს.