მიუნჰენური კლუბი ჯერჯერობით კვლავ შეუჩერებელია! იუპ ჰაინკესის გუნდი განაგრძობს მოგებათა სერიას.

დღეს "რეკორდმაისტერი" გასვლით შეხვედრაში პრინციპულ მეტოქეს, "ვერდერს", დაუპირსპირდა. თამაში სტუმრებისთვის გასულ ტურში გამართული მატჩის სცენარით წარიმართა - პირველ ტაიმში თანაბარი ბრძოლა იყო, საბოლოოდ კი მიუნჰენელებმა დამსახურებული გამარჯვება მოიპოვეს. თუმცა, გოლები შეხვედრის მიწურულს გავიდა. 81-ე წუთზე ჯერ გუსტავომ გახსნა ანგარიში, ორი წუთის შემდეგ კი მანჯუკიჩმა სხვაობა ორამდე გაზარდა.

"ვერდერი" 0:2 "ბაიერნი"
გოლები: ლუის გუსტავო 81, მანჯუკიჩი 83

"ვერდერი": მილიტცი - გებრე სელასიე, პროდლი, სოკრატისი, ფრიცი - იუნუზოვიჩი - არნაუტოვიჩი (ბარგფრედე 87), დე ბრიუნე, ჰანტი, ელია (ფიულკრუგი 59) - პეტერსენი (აკპალა 77).

"ბაიერნი": ნოიერი - ლამი, ბოატენგი, დანტე, ბადშტუბერი - შვაინშტაიგერი (მარტინესი 75), ლუის გუსტავო - მიულერი, კროოსი (შაქირი 58), რიბერი - პისარო (მანჯუკიჩი 58).

გაფრთხილება: სოკრატისი, არნაუტოვიჩი - შვაინშტაიგერი, გუსტავო.