"მილანის" ყოფილი ალენატორე, კარლო ანჩელოტი, მიიჩნევს, რომ ისეთმა ფეხბურთელებმა, როგორებიც არიან რიკარდო მონტოლივო და ალეშანდრე პატო, "მილანს" კრიზისული სიტუაციიდან გამოსვლაში უნდა დაეხმარონ.

"მესმის, როგორ სირთულეებთან ბრძოლა უწევს "მილანს", თუმც არ მეგონა. თუ ასეთი შედეგები იქნებოდა. არ ველოდი სეზონის ასეთ სტარტს, მიუხედავად გუნდის ყველა დანაკარგისა. მხოლოდ ზლატან იბრაჰიმოვიჩსა და ტიაგო სილვაზე არ ვსაუბრობ. პიპო ინძაგიმ კარიერა დაასრულა, ალესანდრო ნესტა, ჯენარო გატუზო და კარლეს ზეედორფი წავიდნენ..."

"ფეხბურთელებს უნდა ახსოვდეთ, რას ნიშნავს "მილანის" მაისური. ასეთ მომენტებში ყველაზე მნიშვნელოვანი ძალა და რწმენაა", -განაცხადა ანჩელოტიმ.

"იმედი მაქვს, პატო მალე დაბრუნდება. მას შეუძლია, რომ ძალიან დაეხმაროს "მილანს", რადგან დიდი ტალანტია. სამწუხაროდ, ტრავმები ხელს უშლის, მაგრამ იმედია, დაბრუნდება. ის შეიძლება გახდეს მოთამაშე, რომელიც "როსონერის" სჭირდება ასეთი რთული სიტუაციის გადასალახავად. პატო და რიკარდო მონტოლივო შესანიშნავი ნახევარმცველები არიან", -დაასრულა "პსჟ"-ს მთავარმა მწვრთნელმა.