შვეიცარიის ქალაქ ნიონში, 17 და 19 წლამდე ნაკრებების ელიტრაუნდებისა და ევროშესარჩევის კენჭისყრის დასრულების შემდეგ, სფფ-ის პრეზიდენტი ზვიად სიჭინავა უეფას პრეზიდენტ მიშელ პლატინის პირისპირ შეხვდა. უეფას თავკაცისა და სფფ-ის ხელმძღვანელის შეხვედრა დახურულ კარსმიღმა გაიმართა და დაახლოებით, 20 წუთს გაგრძელდა. შეხვედრის დასრულების შემდეგ, ზვიად სიჭინავამ სფფ-ის ოფიციალურ ვებ-გვერდთან საუბარში აღნიშნა, რომ დიდი შანსია, პლატინი მალე თბილისში გვეწვიოს.
"თავდაპირველად, კენჭისყრაზე გეტყვით. ოთხი შანსიდან, დღეს ჩვენ ორი გამოვიყენეთ და მომავალი წლის ორი შესარჩევი ეტაპის მასპინძლობის უფლება მოვიპოვეთ. უდიდესი სურვილი გვქონდა, 19-წლამდელთა ელიტრაუნდიც თბილისში წამოგვეღო, თუმცა, ინგლისმა და შოტლანდიამ თავიდანვე მოილაპარაკეს, რომ ბელგიაში თამაში აწყობდათ და ამიტომ, ჩვენ ვეღარ მოვახერხეთ. თუმცა, ხაზგასმით მინდა ვთქვა, რომ ხვალინდელი დღე - 6 დეკემბერი ჩვენთვის ძალიან მნიშვნელოვანი დღე იქნება - უეფა განიხილავს ფუტსალის ოთხთა ფინალის მასპინძლობის საკითხს და ჩვენ სერიოზულ პრეტენზიას ვაცხადებთ ამ დიდი შეჯიბრების მასპინძლობაზე. ასე რომ, დიდი იმედით ველოდებით ხვალინდელ დღეს.
მე შევხვდი ბატონ მიშელ პლატინის. შეხვედრა დახურული იყო, თუმცა, გეტყვით იმას, რომ ჩვენ ყველა ერთობლივ პროექტზე ვისაუბრეთ. უეფას პრეზიდენტმა მოგვილოცა მომავალი წლის ორი შესარჩევი ეტაპის მასპინძლობა და აღნიშნა, რომ ეს კიდევ ერთი დადასტურებაა ჩვენი თქვენდამი დიდი ნდობისო. მნიშნელოვანი ფაქტია ის, რომ ბატონი პლატინი უახლოეს მომავალში გეგმავს შეხვედრას საქართველოს პრემიერ-მინისტრთან. თარიღი ჯერ დადგენილი არ არის, თუმცა, დიდი შანსია, უეფას პრეზიდენტი თბილისში გვეწვიოს და სწორედ, იქ შედგეს ბატონ ბიძინა ივანიშვილთან შეხვედრა. ჩვენ ასევე ვისაუბრეთ სამომავლოდ ისეთ გრანდიოზულ პროექტზე, როგორიცაა ევრო 2020. ბატონ პრეზიდენტს ძალიან აინტერესებდა ჩვენი ხედვა იმ საკითხთან მიმართებაში, რომ ევროპის საიუბილეო ჩემპიონატის მასპინძლობაში ბევრი ქვეყანა იყოს ჩართული და მათ შორის, საქართველოც მოიაზრება" - განაცხადა ზვიად სიჭინავამ.
ამის შემდეგ, სფფ-ის ხელმძღვანელებმა რამდენიმე მოლაპარაკება გამართეს მეგობარი ქვეყნების ფეხბურთის ფედერაციების ხელმძღვანელებთან. გადაწყვეტილია ელიტრაუნდამდე საქართველოს 17 და 19 წლამდე ნაკრებების ტესტ-მატჩები რამდენიმე საკმაოდ სოლიდური ქვეყნის ნაკრებთან. თუმცა, ზვიად სიჭინავას თქმით, როცა ეს ყველაფერი ოფიციალურად გაფორმდება, ყველა დეტალი მაშინ გახმაურდება. ეს კი, სავარაუდოდ, უახლოეს ორ დღეში მოხდება. სფფ-ის დელეგაცია სამშობლოში ხვალ დაბრუნდება.
სფფ-ის პრესსამსახური
"თავდაპირველად, კენჭისყრაზე გეტყვით. ოთხი შანსიდან, დღეს ჩვენ ორი გამოვიყენეთ და მომავალი წლის ორი შესარჩევი ეტაპის მასპინძლობის უფლება მოვიპოვეთ. უდიდესი სურვილი გვქონდა, 19-წლამდელთა ელიტრაუნდიც თბილისში წამოგვეღო, თუმცა, ინგლისმა და შოტლანდიამ თავიდანვე მოილაპარაკეს, რომ ბელგიაში თამაში აწყობდათ და ამიტომ, ჩვენ ვეღარ მოვახერხეთ. თუმცა, ხაზგასმით მინდა ვთქვა, რომ ხვალინდელი დღე - 6 დეკემბერი ჩვენთვის ძალიან მნიშვნელოვანი დღე იქნება - უეფა განიხილავს ფუტსალის ოთხთა ფინალის მასპინძლობის საკითხს და ჩვენ სერიოზულ პრეტენზიას ვაცხადებთ ამ დიდი შეჯიბრების მასპინძლობაზე. ასე რომ, დიდი იმედით ველოდებით ხვალინდელ დღეს.
მე შევხვდი ბატონ მიშელ პლატინის. შეხვედრა დახურული იყო, თუმცა, გეტყვით იმას, რომ ჩვენ ყველა ერთობლივ პროექტზე ვისაუბრეთ. უეფას პრეზიდენტმა მოგვილოცა მომავალი წლის ორი შესარჩევი ეტაპის მასპინძლობა და აღნიშნა, რომ ეს კიდევ ერთი დადასტურებაა ჩვენი თქვენდამი დიდი ნდობისო. მნიშნელოვანი ფაქტია ის, რომ ბატონი პლატინი უახლოეს მომავალში გეგმავს შეხვედრას საქართველოს პრემიერ-მინისტრთან. თარიღი ჯერ დადგენილი არ არის, თუმცა, დიდი შანსია, უეფას პრეზიდენტი თბილისში გვეწვიოს და სწორედ, იქ შედგეს ბატონ ბიძინა ივანიშვილთან შეხვედრა. ჩვენ ასევე ვისაუბრეთ სამომავლოდ ისეთ გრანდიოზულ პროექტზე, როგორიცაა ევრო 2020. ბატონ პრეზიდენტს ძალიან აინტერესებდა ჩვენი ხედვა იმ საკითხთან მიმართებაში, რომ ევროპის საიუბილეო ჩემპიონატის მასპინძლობაში ბევრი ქვეყანა იყოს ჩართული და მათ შორის, საქართველოც მოიაზრება" - განაცხადა ზვიად სიჭინავამ.
ამის შემდეგ, სფფ-ის ხელმძღვანელებმა რამდენიმე მოლაპარაკება გამართეს მეგობარი ქვეყნების ფეხბურთის ფედერაციების ხელმძღვანელებთან. გადაწყვეტილია ელიტრაუნდამდე საქართველოს 17 და 19 წლამდე ნაკრებების ტესტ-მატჩები რამდენიმე საკმაოდ სოლიდური ქვეყნის ნაკრებთან. თუმცა, ზვიად სიჭინავას თქმით, როცა ეს ყველაფერი ოფიციალურად გაფორმდება, ყველა დეტალი მაშინ გახმაურდება. ეს კი, სავარაუდოდ, უახლოეს ორ დღეში მოხდება. სფფ-ის დელეგაცია სამშობლოში ხვალ დაბრუნდება.
სფფ-ის პრესსამსახური