ლონდონის "არსენალის" ფრანგი თავდამსხმელი გამოტყდა, რომ ჯერ კიდევ ვერ შეეჩვია ახალ ჩემპიონატს.

ოლივიემ ამ შაბათს ბოლოს და ბოლოს მოახერხა და გაიტანა "მეთოფეთა" რიგებში თავისი პირველი პრემიერლიგური გოლი.

"მთავარი პრობლემა ისაა, რომ ენა არ ვიცი. რა თქმა უნდა, საბაზო ცოდნა მაქვს, მაგრამ ეს საკმარისი არაა იმისთვის, რომ ნორმალური ურთიერთობა მქონდეს თანაგუნდელებთან და მოვისმინო მწვრთნელის მითითებები", - განაცხადა ჟირუმ.

"აუცილებელია, იცოდე იმ ქვეყნის წესჩვეულებები, სადაც ცხოვრობ. ადაპტაციის პროცესი ცოტა გაჭიანურდა, თუმცა მალე ყველაფერი თავის ადგილას დადგება".