ლონდონის "ტოტენჰემის" პორტუგალიელმა მთავარმა მწვრთნელმა ანდრე ვილაშ-ბოაშმა ამავე კლუბის უელსელი მარცხენა ფლანგელი გარეტ ბეილის თამაში შეაფასა, რომელმაც "ასტონ ვილას" წინააღმდეგ მატჩში ჰეთრიკით გამოიჩინა თავი.

"ბეილი მსოფლიოს სამ საუკეთესო ფეხბურთელს შორისაა. ის ძალიან ეხმარება გუნდს. გარეტი "ტოტენჰემის" ლიდერია. მას არაჩვეულებრივი მარცხენა ფეხი აქვს. დღეს ბეილისთვის გამორჩეული საღამოა, მან პირველი ჰეთრიკი შეასრულა თავის პრემიერ ლიგურ კარიერაში. გარეტმა დღეს შესანიშნავი რეზულტატი დადო, ის აგრძელებს პროგრესირებას." - განაცხადა ვილაშ-ბოაშმა.