კატალონიის "ბარსელონას" თავკაცმა, ტიტო ვილანოვამ, "სელტიკთან" გასამართ მატჩზე ისაუბრა.

"ჩემპიონთა ლიგაში ყოველი თამაში ძალიან მნიშვნელოვანია, განსაკუთრებით კი საშინაო. თუ "სელტიკს" დავამარცხებთ, ფლეიოფში გასვლისთვის დიდ ნაბიჯს გადავდგამთ წინ. ჩვენი დღვანდელი მეტოქე კარგ ფორმაშია. გუნდმა ოთხი ქულა მოიპოვა. სერიოზულად ვუდგებით მოახლოებულ მატჩს", -განაცხადა ტიტომ.

"ჯგუფური ეტაპის დასრულებამდე კიდევ მთელი ოთხი ტურია. პირველი ორი ადგილის დასაკავებლად მძიმე ბრძოლა გაჩაღდება. თითოეული დარჩენილი შეხვედრა რთული იქნება. რა მაღელვებს ყველაზე მეტად "სელტიკში"? ფეხბურთელთა სისწრაფე და ფიზიკური მომზადება",- დაასრულა მან.