9:37 PM ვიდალი “იუვენტუსთან” კონტრაქტს სექტემბერში გაახანგრძლივებს | |
 ჩილელი ნახევარმცველი იტალიის ჩემპიონატის ერთ-ერთ ყველაზე მაღალანაზღაურებად ფეხბურთელად იქცევა. ამ ზაფხულს "იუვენტუსისა” და ჩილეს ეროვნული ნაკრების ნახევარმცველ არტურო ვიდალისადმი ინტერესს რამოდენიმე ევროპული გრანდი იჩენდა, მაგრამ "ბებერი ქალბატონის” ბოსებმა ერთ-ერთი წამყვანი ფიგურის გაშვებაზე უარი განაცხადეს. ახლა კი, თავად ვიდალის თქმით, ძალიან მალე, იგი ტურინელებთან კონტრაქტის გაახანგრძლივებს. "ტურინში ვრჩები. ახალი ხელშეკრულება სატრანსფერო ფანჯრის დახურვისთანავე გაფორმდება, ამაში ეჭვიც არ მეპარება”, – განაცხადა ვიდალმა. იტალიელი ექსპერტები ვარაუდობენ, რომ ვიდალი "იუვენტუსთან” თანამშრომლობას 2018-წლის ზაფხულამდე გაახანგრძლივებს, ახალი შეთანხმების თანახმად, არტუროს ყოველწლიური ანაზღაურება ოთხ მილიონ ევრომდე გაიზრდება. წყარო: Calciomercato.it | |
|
| |
| სულ კომენტარები: 0 | |