ლონდონის "არსენალის" ბელგიელი მცველი, თომას ვერმაელენი, საქებარ სიტყვებს არ იშურებს თავისი თანაგუნდელის, ჯეკ უილშირის მიმართ.

"თქვენ იცით, რომ უილშირის პირველი სეზონი "არსენალში" იყო ფანტასტიკური," - განაცხადა ვერმაელენმა.

"ჩემი აზრით, მას შეუძლია, რომ გახდეს მსოფლიოში ერთ-ერთი საუკეთესო ნახევარმცველი. მას ამის პოტენციალი ნამდვილად აქვს."

"ის აქამდე ტრავმების გამო ვერ ახერხებდა მოედანზე გასვლას, მაგრამ ახლა სრულად გამოჯანმრთელდა და მზადაა, რომ დაეხმაროს გუნდს," - დაასრულა ბელგიელმა.