მიუნხენის "ბაიერნის” ბრაზილიელი ფეხბურთელი უკვე დიდი ხანია კლუბის შეცვლაზე ფიქრობს, რათა მეტი სათამაშო დრო მიიღოს და სამშობლოში გასამართ მსოფლიოს ჩემპიონატზე ნაკრებიდან გამოიძახონ.

ჰავბეკის შეძენის ერთ-ერთი მთავარი პრეტენდენტი "ვოლფსბურგი” იყო, თუმცა თავად გუსტავო არ ჩქარობდა იქ გადასვლას, რადგან ინგლისიდან წინადადებას ელოდა. როგორც ჩანს, ლოდინი ამაო არ ყოფილა.

ინგლისური პრესის ინფორმაციით, არსენ ვენგერს ლუის გუსტავოს ყიდვა და "მეთოფეთა” ცენტრის გაძლიერება გადაუწყვეტია.

"არსენალმა” "ბაიერნს” წინადადებით მიმართა და ფეხბურთელის სანაცვლოდ 14 მილიონი ფუნტი შესთავაზა.

წყარო: Mirror