"ბარსელონამ" დღეს შოტლანდიაში, "სელტიკ პარკზე" გამართა ვარჯიში, სადაც გუნდი ჩემპიონთა ლიგის ჯგუფური ეტაპის მე–4 ტურის შეხვედრაში "სელტიკს" დაუპირისპირდება.

ტიტო ვილანოვას განკარგულებაში 20 ფეხბურთელი იყო. სესიის დროს გლაზგოში ტემპერატურა 8 გრადუსი იყო. შეხვედრის საბოლოო განაცხადს მიღმა ტიტოს 2 ფეხბურთელის დატოვება მოუწევს. კითხვის ნიშანი აქვს ხერარდ პიკეს შეხვედრაში მონაწილეობას, ფეხბურთელმა მხოლოდ გუშინ მიიღო თამაშის უფლება. გუშინდელიდ მსგავსად ის დღესაც, თანაგუნდელებთან ერთად ვარჯიშობდა.