"მანჩესტერ იუნაიტედის” ფორვარდმა რობინ ვან პერსიმ აღნიშნა, რომ მას მომდევნო სეზონში სხვა ნომრის აღების შესაძლებლობა გააჩნია, თუმცა ჰოლანდიელი, დიდი ალბათობით, ამას არ გააკეთებს.

"ვფიქრობ, რომ ჩემს ნომერს არ შევცვლი”, – ციტირებს United Review ვან პერსის სიტყვებს.

"9-ნომრიანი მაისურის აღების შესაძლებლობა მაქვს, თუმცა არამგონია, რომ ეს გავაკეთო. ვთვლი, რომ ეს სწორი გადაწყვეტილებაა. გარდა ამისა, არ მინდა უხერხულ მდგომარეობაში ჩავაყენო ის გულშემატკივრები, რომლებმაც 20-ნომრიანი მაისურები შეიძინეს. არ მინდა, რომ მათ ფული ახალში გადაიხადონ. კარგი სეზონი ჩავატარე და აღსანიშნავია, რომ "მანჩესტერ იუნაიტედთან” ერთად კლუბის ისტორიაში მე-20 პრემიერ ლიგის ტიტულის მოგება სწორედ ამნომრიანი მაისურით ავღნიშნე”.