გოლკიპერი დორტმუნდში 2016-წლის ზაფხულამდე დარჩება.

"მოხარულნი ვართ და ვაცხადებთ, რომ რომანმა 2016-წლის 30 ივნისამდე კლუბში დარჩენაზე თანხმობა განაცხადა”, – აცხადებს დორტმუნდის "ბორუსიას” სპორტული დირექტორი მიხაელ ცორკი.

"რომანს სხვა კლუბში გადაბარგებაზე არასდროს უფიქრია. ბედნიერები ვართ, რომ ჩვენს გუნდში ისეთი ფეხბურთელები ირიცხებიან, როგორებიც იგი და სებასტიან კელი არიან”, – დაამატა ცორკმა.

აქვე გეტყვით იმასაც, რომ ვაიდენფელერი "დორტმუნდში” 2002-წლიდან ასპარეზობს. ამ დროის განმავლობაში მან ბუნდესლიგაში 288 მატჩის ჩატარება მოასწრო.