სულ ცოტა ხნის წინ დასრულდა უეფას 2014 წლის ევროპის ჩემპიონატის შესარჩევი ეტაპის წილისყრა 17 და 19 წლამდე ნაკრებებს შორის. დასაწყისშივე გეტყვით, რომ ორივე შესარჩევი ეტაპის მასპინძელი 2013 წლის შემოდგომაზე თბილისი იქნება.

17, 19 და 21 ოქტომბერს, ნოდარ აკობიას გუნდი დაიწყებს ასპარეზობას. ჩვენი ნაკრები მე-11 ჯგუფშია ჰოლანდიის, სან-მარინოსა და ფარერების ნაკრებებთან ერთად. საკვალიფიკაციო ეტაპზე, სწორედ, ეს გუნდები ეწვევიან თბილისს. 

რაც შეეხება 19-წლამდე ნაკრებს, ვასილ მაისურაძის 1995 წელს დაბადებულთა გუნდიც მშობლიურ კედლებში მიიღებს მოწინააღმდეგეებს. შესარჩევი მატჩები 13, 15 და 18 ნოემბერს გაიმართება. 19-წლამდელებიც მე-11 ჯგუფში იასპარეზებენ და ჩვენი მეტოქეები ჰოლანდია, მოლდოვა და უელსი იქნებიან.

სფფ-ის პრესსამსახური