საქართველოს ჩემპიონატის მეთერთმეტე ტურის ცენტრალურ შეხვედრაში, რომელიც "დინამო არენაზე" შედგა, "ზესტაფონი" "დინამოსთან" 2:1 დამარცხდა. ახლა კი ზესტაფონელთა მატჩის შემდგომ კომენატარებს გაგაცნობთ.

თეიმურაზ ღონღაძე: ”საერთო ჯამში, ძალიან რთული მატჩი გამოვიდა, მაგრამ მიუხედავად იმისა, რომ კაცნაკლულნი ჩავამთავრეთ მატჩი, მაინც არ იყო წასაგები შეხვედრა და ძალიან დასანანია ასეთი მარცხი”.

თორნიკე აფციაური: ”კარგი თამაში გამოვიდა, რომელიც დაძაბული, სანახაობრივი გახლდათ და რომელშიც მოგებაც შეგვეძლო, მაგრამ არ გაგვიმართლა — ეს ფეხბურთია.
რაც შეეხება კაჭკაჭიშვილის გაგდებას, ვფიქრობ, იმ მომენტში არანაირი ჯარიმა არ ყოფილა და მსაჯსაც ვურჩევ, კარგად დააკვირდეს ეპიზოდს”.