9:52 PM ტოტის სერია ა-ში მე-300 გოლის გატანა სურს | |
 "რომას” ფორვარდი იტალიის ჩემპიონატის ისტორიაში ყველაზე შედეგიანი ფეხბურთელის წოდების მოპოვებას გეგმავს. 36-წლის ფრანჩესკო ტოტი, რომელიც ცოტა ხნის წინ, სერია ა-ს საუკეთესო ბომბარდირთა სიაში მეორე ადგილზე დამკვიდრდა, თვლის, რომ იგი ამ მომენტისათვის ლიდერ სილვიო პიოლის ძალიან მალე დაეწევა და იტალიის ჩემპიონატში გატანილ 300-გოლიან ნიშნულს გადასცდება. "თუ ჯანმრთელობა ხელს შემიწყობს, დარწმუნებული ვარ, რომ მე-300 გოლის გატანას შევძლებ. მთელი ჩემი კარიერის განმავლობაში გამოკვეთილი ფორვარდის პოზიციაზე რომ მეთამაშა, მაშინ ამ ნიშნულს უკვე დიდი ხნის წინ გადავცდებოდი”, – განაცხადა "რომას” კაპიტანმა, რომლის დებიუტიც მშობლიური კლუბის შემადგენლობაში 20-წლის წინ შედგა. ამ მომენტისათვის ტოტის ანგარიშზე სერია ა-ს ეგიდით გატანილი 227 გოლია. | |
|
| |
| სულ კომენტარები: 0 | |