"ინტერის" ჰოლანდიელი ნახევარმცველი ზამთრის სატრანსფერო ფანჯარაზე მილანური კლუბის დატოვებას აპირებს.

უესლის აგენტმა პრესასთან საკუთარი კლიენტის მომავალზე ისაუბრა.

"სნეიდერს ინგლისურ პრემიერ ლიგაში თამაში სურს. მაგრამ, მას "ქპრ"-ს ვარიანტი არ აინტერესებს. უესლი პრემიერ ლიგის რომელიმე ტოპ-კლუბში თამაშს აპირებს",-აცხადებს სორენ ლერბი.

"სნეიდერი - ევროპის ერთ-ერთი საუკეთესო ნახევარმცველია. სწორედ ამიტომ, მე ვთვლი, რომ მისი გადაბირებით არამხოლოდ პრემიერ ლიგის, არამედ ევროპის სხვა ტოპ-კლუბებიც დაინტერესდებიან".