როგორც უკვე ცოტა ხნის წინ შეგატყობინეთ, "ბარსელონას" ექს-მთავარმა მწვრთნელმა პეპ გვარდიოლამ მიუნხენის "ბაიერნთან" სამწლიანი კონტრაქტი გააფორმა და მიუნხენელებს სათავეში 2013-წლის ივლისიდან ჩაუდგება.

41-წლის ესპანელ სპეციალისტს "ბაიერნი" უფრო მეტს გადაუხდის, ვიდრე "ჩელსისა" და "მანჩესტერ სიტის" ხელმძღვანელობა სთავაზობდა, იტყობინება Sky Italia.

შეგახსენებთ, რომ პეპ გვარდიოლა კატალონიის "ბარსელონას" 2008-წლიდან 2012-წლამდე წვრთნიდა და ამ დროის განმავლობაში მან გუნდს ესპანეთის ლა ლიგა და სუპერთასი სამჯერ, ხოლო კოპა დელ რეი, ჩემპიონთა ლიგა, უეფას სუპერთასი და მსოფლიოს საკლუბო ჩემპიონატი ორჯერ მოაგებინა.