მადრიდის "ატლეტიკოს" მთავარი მწვრთნელი დიეგო სიმეონე გამოტყდა, რომ მის გუნდს წინ "ბეტისთან" ესპანეთის თასის ეგიდით რთული მატჩი ელოდება.

"ჩვენი მოწინააღმდეგე კარგ ფორმაში იმყოფება. ისინი ყოველთვის მიზანმიმართულად მოქმედებენ და ამავდროულად ძალიან სწრაფები არიან",-აცხადებს სიმეონე.

"ბეტისი" ორგანიზებული გუნდია, რომელიც ტაქტიკურად კარგადაა მომზადებული. დარწმუნებული ვარ, მას ჩვენი დამარცხება შეუძლია".

"თამაში რთული იქნება. გარდა ამისა, ეს მეოთხედფინალია, ეს კი ის სტადიაა, სადაც მოულოდნელობები ხდება".

"ჩვენთვის მთავარი ის არის, რომ კარი მშრალად შევინახოთ. თუ ამ დავალებას შევასრულებთ, მაშინ ნახევარფინალში გასვლის უკეთესი შანსი გვექნება",-დაასრულა "როხიბლანკოს" არგენტინელმა მთავარმა მწვრთნელმა.