მადრიდის "ატლეტიკოს" თავკაცს მიაჩნია, რომ მისმა შეგირდებმა გუნდური სულის წყალობით დაამარცხეს "ესპანიოლი".

"მოთმინებააა საჭირო. მომავალშიც ასეთი ხასიათი და ნებისყოფა უნდა გამოვავლინოთ გამარჯვებისთვის, რათა კონკურენტუნარიანები დავრჩეთ", -თქვა დიეგო სიმეონემ.

"შევძელით, რომ მოწინააღმდეგისთვის ისე თამაშის საშუალება არ მიგვეცა, როგორც უყვარს. ჩვენ ვერდუს, სიმაოსა და მორენოს ჩაკეტვა მოვახერხეთ".

"ესპანიოლს" საკმარისად ჰყავს კარგი შემტევი ფეხბურთელები, მაგრამ დამაჯერებლად ვიცავდით თავს და მათ ჩვენს კართან მომენტების შექმნის შესაძლებლობას არ ვაძლევდით. კარგად ადრეც ვთამაშობდით და ახლა უკვე შედეგიც მოვიდა".