"ლივერპულის" ნახევარმცველი ნური შაჰინი, რომელიც მადრიდის "რეალს" ეკუთვნის, შესაძლოა ისევ დორტმუნდის "ბორუსიაში" ვიხილოთ, იტყობინება The Telegraph.

თურქეთის ეროვნული ნაკრების ფეხბურთელის ტრანსფერი ოფიციალურად შესაძლოა დღესვე დადასტურდეს. ამ შესაძლო ტრანსფერის პირობების დეტალები ჯერჯერობით უცნობია.

შეგახსენებთ, რომ შაჰინი მადრიდის "რეალში" 2011-წელს სწორედ დორტმუნდის "ბორუსიადან" გადავიდა, თუმცა მისი კარიერა "სამეფო კლუბში" ხშირი ტრავმების გამო ვერ აეწყო.