"სევილია" ძალიან არასახარბიელო ეკონომიკურ მდგომარეობაში აღმოჩნდა. ცნობილი გახდა, რომ დეკემბრის ბოლოს კლუბი ოფიციალურად განაცხადებს მიმდინარე წელს 15 მილიონი ევროს ოდენობის დანაკარგის შესახებ.

საინტერესოა, რომ "სევილია", რომელიც ჩვეულებრივ მყარად დგას ხოლმე ფეხებზე, პირველად აფიქსირებს ფინანსურ დანაკარგს 2002 წლის შემდეგ. სწორედ 10 წლის წინ გუნდის პრეზიდენტი ხოსე დელ ნიდო გახდა. ამ ადამიანის მმართველობის პერიოდში ანდალუსიელები იმაზე მეტს გამოიმუშავებდნენ, ვიდრე ხარჯავდნენ.

მოსალოდნელია, რომ "სევილიას" შემოსავალის სახით 83 მილიონი ევრო დაუფიქსირდეს, ეს კი მაშინ, როცა დანახარჯები 98 მილიონ ევროს უტოლდება. ასეთი მაჩვენებლები ევროთასებზე კლუბის ბოლოდროინდელ წარუმატებელ გამოსვლებს უკავშირდება.