"სანდერლენდის" ფრანგი თავდამსხმელი ლუი საა უახლოეს დროში კლუბს თავისუფალი აგენტის სტატუსით დატოვებს.

მხარეები კონტრაქტის გაწყვეტაზე უკვე შეთანხმდნენ, იტყობინება Sky Sports.

შეგახსენებთ, რომ საა "სანდერლენდში" გასულ ზაფხულს გადავიდა და კლუბთან ერთწლიანი კონტრაქტი გააფორმა.

მიმდინარე სეზონში ფრანგმა ფეხბურთელმა "შავი კატების" მაისური პრემიერ ლიგის 11 მატჩში მოირგო და თავი გატანილი გოლით არ გამოუჩენია.