დევიდ მოიესის წასვლის შემდეგ, "გუდისონ პარკის” ბინადრებს სათავეში ახალი მწვრთნელი ჩაუდგათ.

შეგახსენებთ, რომ შოტლანდიელმა სპეციალისტმა "ემიუ” ჩაიბარა, რის გამოც ლივერპულელები თავკაცის გარეშე დარჩნენ.

ახლა კი "ევერტონის” ოფიციალურმა საიტმა დაადასტურა, რომ კლუბთან ოთხწლიან ხელშეკრულებას ხელი "უიგანის” ექს-ბოსმა რობერტო მარტინესმა მოაწერა. ესპანელი სპეციალისტის ანაზღაურების თანხამ 1,5 მილიონი ფუნტი შეადგინა.

გასულ სეზონში "უიგანმა” მარტინესის ხელმძღვანელობით ინგლისური პრემიერ ლიგა დატოვა, თუმცა ფინალში "მანჩესტერ სიტის” ძლევით ინგლისის თასი მოიგო.

წყარო: Sky Sports