საქართველოსთან ვერმოგებულმა შეხვედრამ სრულიად საფრანგეთი აალაპარაკა. ფეხბურთელებისა და მწვრთნელების მიმართ უმალვე წარმოიშვა კრიტიკის ქარ-ცეცხლი. "მამლების” ლიდერმა ფრანკ რიბერიმ France Football-ს მოკლე კომენტარი გაუკეთა.

"ყველანი უბრალოდ იმედგაცრუებულები ვართ. ეს ნამდვილად არ დაგვიმსახურებია”, – განაცხადა მიუნხენის "ბაიერნის” შემტევმა ნახევარმცველმა.

შეგახსენებთ, რომ მსოფლიოს 2014 წლის ჩემპიონატის შესარჩევ ციკლში საფრანგეთის ნაკრებმა საქართველოს ნაკრებს ვერ მოუგო (0:0). ქართველებისთვის დაფიქსირებული შედეგი ისტორიული აღმოჩნდა, რადგან ჩვენ 3-წაგებული მატჩის შემდეგ შევძელით და პირველად დავტოვეთ მინდორი დაუმარცხებლის სტატუსით "მამლებთან”.

წყარო: France Football