გუშინ, "ლევანტეს" და მადრიდის "რეალის" მატჩის დასრულების შემდეგ, გუნდების გასახდელში მცირე ინციდენტს ჰქონდა ადგილი.

შეხვედრის დასრულების შემდეგ ბალესტეროსი "სამეფო კლუბის" გასახდელში შევიდა და ყვირილი დაიწყო. ფეხბურთელის დასაწყნარებლად სერხიო რამოსი და პეპე მივიდნენ.

"ბალესტეროსს უყვარს ყურადღების მიქცევა. თუ მას უფრო მეტად ბოქსი მოსწონს, მაშინ იმით დაკავდეს და არა ფეხბურთით. დავიღალეთ ისეთი ადამიანებით, როგორიც ბალესტეროსია. ის წარუმატებელია." - განაცხადა მადრიდელთა ოთხმა ნომერმა.