მადრიდული კლუბი ფიფასგან კომპენსაციას მიიღებს.

როგორც ცნობილია,"რეალის" მარცხენა მცველმა მარსელომ სერიოზული ტრავმა მაშინ მიიღო,როდესაც იგი ბრაზილიის ეროვნული ნაკრების განკარგულებაში იყო.მოგეხსენებათ,ფეხბურთელი დაახლოებით სამი თვე ვერ დაეხმარება საკუთარ გუნდს.

ცნობილი გახდა,რომ რადგან ბრაზილიელმა ტრავმა ეროვნულ ნაკრებში მიიღო,ფიფა "რეალს" კომპენსაციას მარსელოს დაბრუნებამდე ყოველდღიურად გადაუხდის,ანუ ფეხბურთელის ყოველდღიურ ხელფასს აანაზღაურებს.

წინასწარი გათვლებით,სამეფო კლუბი ყოველდღიურად 6 ათას ევროს მიიღებს.