"ემიუს" მთავარი მწვრთნელი სერ ალექს ფერგიუსონი პრემიერ ლიგის 19-ე ტურის მატჩის მსაჯობით უკმაყოფილო დარჩა,სადაც მისი გუნდი "ნიუკასლს" დაუპირისპირდა და დრამატულ მატჩში ბოლო წუთებზე გატანილი გოლის წყალობით ანგარიშით 4:3 დაამარცხა.

"ვთვლი,რომ მატჩის მთავარმა არბიტრმა ევანსის ავტოგოლი არასამართლიანად ჩათვალა.თუ თქვენ ავტოგოლის ეპიზოდს კარგად დააკვირდებით,ნახავთ,რომ დარტყმის მომენტში თამაშგარე მდგომარეობა დაფიქსირდა,გარდა ამისა,ჯონის მოწინააღმდეგის ერთ-ერთი ფეხბურთელი ხელით იჭერდა".

"დეკემბერი - ყოველთვის მნიშვნელოვანი თვეა.ჩვენ "სუონსისთან" მატჩში ორი ქულა დავკარგეთ (1:1).მაგრამ,ჩვენ ეს შეცდომა დღეს გამოვასწორეთ.დღევანდელი მატჩი ნამდვილი საჩემპიონო ბრძოლა იყო".

"რუნის ტრავმა? ჯერჯერობით არ ვიცით,რამდენად სერიოზულია მისი დაზიანება",-ციტირებს ფერგიუსონის სიტყვებს BBC.