მადრიდის "ატლეტიკოს" თავდამსხმელი გამოტყდა, რომ არ იცის, თუ სად გააგრძელებს კარიერას სეზონის დასრულების შემდეგ.

მოგეხსენებათ, კოლუმბიელ ფეხბურთელს დიდი ხნის განმავლობაში უამრავ კლუბთან აკავშირებდნენ.

"ატლეტიკოსთან" სამწლიანი კონტრაქტი მაკავშირებს. ამ სეზონს აუცილებლად მადრიდში დავასრულებ, მაგრამ ამის შემდეგ რა მოხდება, არ ვიცი", -განაცხადა ფალკაომ. "მხოლოდ ჩემს კლუბზე ვფიქრობ. ვიცი, რომ ჩემით ბევრი გუნდი ინტერესდება, მაგრამ ეს არანაირ ზეგავლენას არ ახდენს "ატლეტიკოში" ჩემს ასპარეზობაზე".

"აქ თავს ბედნიერად ვგრძნობ. რა თქმა უნდა, მომავალში სხვა ლიგებშიც გამოვცდი ჩემს შესაძლებლობებს, მაგრამ ამჟამად "ინდიელებთან" სამწლიანი კონტრაქტი მაკავშირებს".