"იუვენტუსის” გენერალური დირექტორი პრაქტიკულად დარწმუნებულია, რომ ანდრეა პირლო კლუბთან მოქმედ ხელშეკრულებას გაახანგრძლივებს.

ნახევარმცველს იტალიის ჩემპიონთან მოქმედი კონტრაქტი მომავალ ზაფხულს ეწურება, მაგრამ, ბეპე მაროტა დარწმუნებულია, რომ 34-წლის ფეხბურთელი ხელშეკრულებას გაახანგრძლივებს.

"პირლო? ამ საკითხთან დაკავშირებით, ოპტიმისტურად ვარ განწყობილი”, – განაცხადა მაროტამSky Sport Italia-სთან საუბრისას.

შემდეგ, მან იტალიასა და ჩეხეთს შორის გამართულ მატჩზე ისაუბრა, რომელიც "იუვენტუსის” სტადიონზე ჩატარდა.

"ეს ის ქალაქია, რომლის დნმ-შიც სპორტია ჩანერგილი. იგი არამხოლოდ ფეხბურთს ეწყობა შესანიშნავად, არამედ ბევრ სხვასაც. გვინდა საფეხბურთო ასოციაციას მსოფლიო ჩემპიონატის საკვალიფიკაციო ეტაპის ამ მნიშვნელოვანი მატჩის ჩვენს ქალაქში ჩატარებისთვის დიდი მადლობა გადავუხადოთ”.

წყარო: Sky Sport Italia