კატალონიის "ბარსელონას" კაპიტანი, კარლეს პუიოლი, გამოტყდა, რომ ყველაზე მეტად ტრავმების ეშინია.

"ტრავმა ყველაზე ცუდი რამაა, რაც კი შეიძლება ფეხბურთში მოხდეს. ასეთი შემთხვევა უკვე რამდენჯერმე მქონდა. თითოეული მათგანის შემდეგ სერიოზულად ვშიშობდი კარიერის გამო", -განაცხადა პუიოლმა.

"დღე და ღამე ვმუშაობდი ჩემს ფიზიოთერაპევტთან ერთად, მაგრამ ვერაფრით შევძელი აღდგენა. დისკომფორტი გამუდმებით მიბრუნდებოდა. ასეთ მომენტებში იწყებ ფიქრს, რომ ვეღარასდროს შეძლებ თამაშს", -დაასრულა მან.