ნიჭიერმა ახალგაზრდა ფეხბურთელმა კლუბთან ახალ ხელშეკრულებას მოაწერა ხელი.

"ლივერპულის" ოფიციალური საიტი იტყობინება იმის შესახებ,რომ რაჰიმ სტერლინგმა კლუბთან ახალ ხუთწლიან კონტრაქტს მოაწერა ხელი.შეგახსენებთ,რომ თავდამსხმელი მერსისაიდულმა კლუბმა 2010-წელს "ქპრ"-სგან 500 ათას ფუნტად შეიძინა.

"ეს ყველა 18-წლის ფეხბურთელის ოცნებაა",-აცხადებს სტერლინგი. "ძალიან მოხარული ვარ,რომ ასეთ სერიოზულ კლუბში ვთამაშობ.მე წინ გრძელი კარიერა მელოდება და ვიმედოვნებ,რომ "ლივერპულს" ბევრ წარმატებას მოვუტან". 

მიმდინარე სეზონში რაჰიმმა მერსისაიდელების მაისურით 25 მატჩი ჩაატარა და 1 გოლი გაიტანა.