ფორვარდმა "ემირეიტსი” და "არსენალი” დატოვა, თუმცა ლონდონში დარჩა.

"კრისტალ პალასის” ოფიციალური საიტი გვამცნობს, რომ კლუბმა "არსენალის” თავდამსხმელი მარუან შამახი გაიფორმა.

მაროკოს ეროვნული ნაკრების ფეხბურთელმა "არწივებთან” მხოლოდ ერთწლიან ხელშეკრულებას მოაწერა ხელი. გარიგების ფინანსური დეტალები ჯერჯერობით უცნობია.

შეგახსენებთ, შამახი "არსენალში” 2010-წლის ზაფხულში "ბორდოდან” გადაბარგდა: ამ დროის განმავლობაში ფორვარდმა "მეთოფეების” მაისურით მხოლოდ 14 გოლის გატანა მოახერხა.