მადრიდის "რეალმა” ოფიციალურად დაადასტურა ინფორმაცია კრიშტიანუ რონალდუსთან კონტრაქტის გახანგრძლივების შესახებ.

ესპანელთა ოფიციალური საიტი იტყობინება, რომ 28 წლის პორტუგალიელმა ხელშეკრულება გაახანგრძლივა. ჯერჯერობით არანაირი დეტალები არ ხმაურდება. პრესკონფერენცია, რომელიც კრიშტიანუს მიეძღვნება, 15:45 საათზე გაიმართება.

ესპანური პრესის ცნობით, რონალდუს ახალი კონტრაქტი 5 წლიანი იქნება და ფეხბურთელს წლიურად 17 მილიონს მოუტანს.

აქვე გეტყვით, რომ კრიშტიანუს მადრიდის "რეალში” 203 მატჩში 203 გოლი აქვს გატანილი ყველა ტურნირზე.

წყარო: realmadrid.com