"მარსელის" თავდამსხმელი ჰარი რედნაპის კოლექტივს შეუერთდა.

"ქუინზ პარკ რეინჯერსმა" ოფიციალურად დაადასტურა, რომ კლუბმა ლოიკ რემი შეიძინა. ფრანგმა "რეინჯერებთან" 4,5 წლიან კონტრაქტს მოაწერა ხელი, ტრანსფერის თანხამ კი 8 მილიონი ევრო შეადგინა.

"ამ შენაძენით ბედნიერი ვარ. ტონი ფერნანდესმა ძალიან დიდი სამუშაო გაგვიწია, გულწრფელად ვამბობ, ეჭვი მეპარებოდა იმაში, რომ ეს ტრანსფერი შედგებოდა",-განაცხადა ჰარი რედნაპმა.

მიმდინარე სეზონში რემიმ "მარსელის" მაისურით 17 მატჩი ჩაატარა და 4 გოლი გაიტანა.