ალესანდრო მატრი კარიერას "მილანში” გააგრძელებს.

შეთანხმების პირობები არ ხმაურდება, თუმცა იტალიური პრესის ინფორმაციით, მატრი "როსონერის” 11 მილიონი ევრო დაუჯდა. "იუვენტუსი”, რომელშიც ალესანდრო ორ წელზე მეტი ხანი ასპარეზობდა, 2 მილიონს ახლავე მიიღებს, ხოლო დანარჩენ თანხას 4 წლის განმავლობაში. ფეხბურთელი წლიურად 2,6 მილიონს გამოიმუშავებს.

ტურინელთა შემადგენლობაში თავდამსხმელმა 83 მატჩი ჩაატარა და 29 გოლი გაიტანა. მანამდე ის "კალიარის” ღირსებას იცავდა.

თავდამსხმელმა, რომლის ანგარიშზეც 5 ჩატარებული მატჩია იტალიის ეროვნულ ნაკრებში და 1 გატანილი გოლი, 9 ნომრიანი მაისური აიღო.

წყარო: acmilan.com