ახალგაზრდა ბრიტანელმა ფეხბურთელებმა საკუთარი მომავალი "მეთოფეებს" დაუკავშირეს.

კიერან გიბსმა,კარლ ჯენკინსონმა,ალექს ოქსლეიდ-ჩემბერლენმა,აარონ რემსიმ და ჯეკ უილშირმა ლონდონის "არსენალთან" ახალ ხელშეკრულებას მოაწერეს ხელი.

"მეთოფეების" თავკაცი არსენ ვენგერი ამ ახალი სიახლით ძალიან კმაყოფილი დარჩა:

"ჩვენ ყველა კმაყოფილნი ვართ იმით,რომ ამ ხუთმა ახალგაზრდა ფეხბურთელმა ჩვენთან ახალ ხელშეკრულებას მოაწერეს ხელი.ჩვენ ჩვენი გეგმის განხორციელებას განვაგრძობთ,რომლის მთავარი მიზანი გუნდის ახალგაზრდა და ნიჭიერი ფეხბურთელებით დაკომპლექტებაა".