"ბარსელონამ” ნეიმარი შეიძინა, "მანჩესტერ სიტიმ” – ფერნანდინიო, "მონაკომ” კი სატრანსფერო ფანჯარა "ააფეთქა”.

"ვერდერის” მცველი სოკრატისი იურგენ კლოპის "დორტმუნდში” ჩაირიცხა. ტრანსფერის ფასი – 8,5 მილიონი ევრო.

ჰოლანდიელი თავდამსხმელი რიკი ვან ვოლფსვინკელი "სპორტინგიდან” "ნორვიჩში” გადავიდა, 10 მილიონი ევროს სანაცვლოდ.

"პორტუმ” "პაჩუკას” ექტორ ერერას სანაცვლოდ 10 მილიონი ევრო გადაუხადა.

ბოიან კრკიჩი 13 მილიონ ევროდ "ბარსელონაში” დაბრუნდა.

ხესუს ნავასი "მანჩესტერ სიტიში” "სევილიადან” 20 მილიონი ევროს სანაცვლოდ გადაბარგდა.

"პორტუს” პლეიმეიკერის ჟოაო მოუტინიოს შეძენა "მონაკოს” 25 მილიონი ევრო დაუჯდა.

"ბაიერნმა” დორტმუნდის "ბორუსიასგან” მარიო გიოტცეს კონტრაქტი 37 მილიონ ევროდ გამოისყიდა.

"მანჩესტერ სიტიმ” "შახტარს” ფერნანდინიოს სანაცვლოდ 40 მილიონი ევრო გადაუხადა.

"პორტუმ” კოლუმბიელი ვინგერის ჯეიმს როდრიგესის სანაცვლოდ "მონაკოსგან” 45 მილიონი ევრო მიიღო.

"ბარსელონამ” "სანტოსის” თავდამსხმელი ნეიმარი 57 მილიონ ევროდ იყიდა.

რადამელ ფალკაო "მონაკოში” "ატლეტიკოდან” 60 მილიონი ევროს სანაცვლოდ გადაბარგდა.