"ნაპოლი" "პორტოს" ცენტრალური მცველის როლანდუს გადაბირებით სერიოზულადაა დაინტერესებული, იტყობინება Corriere dello Sport.

მოცემული წყაროს ინფორმაციით, პორტუგალიელის ამ შესაძლო ტრანსფერის ფასი 6 მილიონ ევროს შეადგენს.

ნეაპოლური კლუბის ხელმძღვანელობა როლანდუს პაოლო კანავაროს შემცვლელად მიიჩნევს, რომელიც გარიგებულ მატჩებში მონაწილეობისთვის ნახევარი წლით დისკვალიფიცირებულია.

აღსანიშნავია ის ფაქტი, რომ მიმდინარე სეზონში ცენტრალურმა მცველმა "პორტოს" მაისური პორტუგალიის ჩემპიონატის მხოლოდ ერთ შეხვედრაში მოირგო.