საინტერესო ფაქტი გაავრცელა გერმანულმა Bild-მა.

გამოცემამ გამოითვალა გერმანიის მოქმედი ჩემპიონის გამართული შეხვედრები ილქაი გიუნდოგანის გარეშე, შეგახსენებთ, რომ ნახევარმცველი ჩემპიონთა ლიგის ეგიდით გასამართ დღევანდელ შეხვედრაში დონეცკის "შახტარის" წინააღმდეგ ვერ ითამაშებს.

მიმდინარე სეზონში "ბორუსიამ" სულ გიუნდოგანის გარეშე ექვსი შეხვედრა ჩაატარა და საინტერესოა, რომ იურგენ კლოპის შეგირდებმა ამ ექვსი თამაშიდან ვერცერთის მოგება ვერ მოახერხეს.

შეგახსენებთ, რომ დღევანდელ შეხვედრას ასევე გამოტოვებს დორტმუნდელთა შემტევი კევინ გროსკროიცი.