"პსჟ”-ს მცველი მამადუ სახო "მილანის” ინტერესთა სფეროში მოხვდა.

23-წლის ფეხბურთელმა სამუშაო ადგილის შეცვლის სურვილი უკვე არაერთხელ გამოთქვა, რადგან პარიზული გრანდის სასტარტო შემადგენლობაში მოხვედრისთვის ბრძოლის შანსებიც კი აღარ აქვს.

იტალიური პრესის ინფორმაციით, სახოს მიმართ სერიოზულ ინტერესს იჩენს "მილანი” და უახლოეს დროში, "როსონერი” "პსჟ”-ს, მოთამაშის არენდით აყვანასთან დაკავშირებით, ოფიციალური წინადადებით მიმართავს.

მაგრამ, ნაკლებად სავარაუდოა, რომ ასეთმა შეთავაზებამ "პსჟ”-ს ბოსები, რომლებიც სახოს გაყიდვას გეგმავენ, დააკმაყოფილოს. მცველის სატრანსფერო ღირებულება 10 მილიონ ევროდ ფასდება.

წყარო: Corriere dello sport