ალენ ჰალილოვიჩი ჯერ მხოლოდ 16 წლისაა, თუმცა უკვე ამხელა გამოხმაურება ჰპოვა მისმა საფეხბურთო მოედანზე გამოჩენამ. "ახალმა მოდრიჩმა” უკვე ჩაატარა სადებიუტო მატჩი ზაგრების "დინამოში”, 10 ივნისს კი პორტუგალიის წინააღმდეგ ხორვატიის ეროვნული ნაკრების ფორმაც მოირგო.

Sportitalia-ს ინფორმაციით, "მილანი” უკვე დაუკავშირდა "დინამოს” და ფეხბურთელის სანაცვლოდ 10 მილიონი ევრო შესთავაზა. "როსონერის” ჰალილოვიჩის გადაბირებაში კონკურენციას მადრიდის "რეალი” და დონეცკის "შახტარი” გაუწევენ, რომლებიც ასევე დაინტერესებულები არიან ახალგაზრდა სპორტსმენის შეძენით.

წყარო: Sportitalia