"ბარსელონა" ლეო მესისთვის ახალი კონტრაქტის გაფორმებას აპირებს, შედეგად კი 25 წლის ფეხბურთელს ევროპის ტოპ-კლუბებში მოასპარეზე ფეხბურთელთა შორის ყველაზე მაღალი ხელფასი ექნება.

დღესდღეობით მესი წლიურად 9 მილიონ ევროს იღებს, ბონუსებს თუ არ ჩავთვლით. ეს თანხა კი გაცილებით ნაკლებია, ვიდრე ზლატან იბრაჰიმოვიჩისა და სამუელ ეტო'ოს ხელფასი. მაგრამ ახლა "ბარსას" ბოსები განიხილავენ ვარიანტს, რომლის მიხედვითაც, მესის ხელფასი დაახოებით 12,5 მილიონს მიაღწევს, თუმცა მისი ხელფასი ყოველწლიურად კიდევ გაიზრდება.

ჟურნალისტებმა უკვე დაითვალეს, რომ გატანილ გოლებზე მიღებული ბონუსებით და სპოსნორების კონტრაქტებით ლეოს დაახლოებით 28 მილიონი ევრო შემოსდის წელიწადში. ამ მაჩვენებლით არგენტინელი ფეხბურთელი კრიშტიანუ რონალდუს (24,3 მლნ.) და დევიდ ბექჰემს (26,2) უსწრებს.