10:26 AM მაცარი: “კალიარისთან” შეხვედრა შესაძლოა გადამწყვეტი აღმოჩნდეს” | |
 "ნაპოლის” მთავარი მწვრთნელი ვალტერ მაცარი სერია ა-ს ეგიდით "კალიარისთან” გასამართ უახლოეს შეხვედრას მისი გუნდისთვის სასიცოცხლო მნიშვნელობას ანიჭებს. შეგახსენებთ, რომ ნეაპოლელები "მილანს”, გასულ ტურში ამ გუნდებს შორის დასრულებული ფრის შემდეგ, ოთხი ქულით უსწრებენ. "კალიარი” – ძლიერი მოწინააღმდეგეა, რომელიც საინტერესო ფეხბურთს თამაშობს და შესანიშნავ ფორმაშია. ჩვენ მეორე ადგილისათვის ბოლომდე უნდა ვიბრძოლოთ. ფეხბურთელებმა "მილანზე” არ უნდა იფიქრონ, სწორედ ამას შთავაგონებ მათ”, – აცხადებს მაცარი. "ყველაზე მეტად იმის მეშინია, რომ ჩემი ფეხბურთელები იმ ფაქტს არ გაითვალისწინებენ, რომ "კალიარისთან” დაპირისპირება შესაძლოა გადამწყვეტი აღმოჩნდეს”, – აღნიშნავს მწვრთნელი. "კავანი? მას ამ სეზონის დასრულება, რაც შეიძლება უფრო წარმატებით სურს. არ ვფიქრობ, რომ იგი სხვა რამეზე ფიქრობდეს. იგი ყოველთვის თავდაუზოგავად ვარჯიშობს და თამაშში 100%-ით იხარჯება”, – დაამატა ალენატორემ. | |
|
| |
| სულ კომენტარები: 0 | |