ესპანეთის ეროვნული ნაკრების ნახევარმცველმა, ხუან მატამ კონფედერაციის თასის ნახევარფინალურ დაპირისპირებაში იტალიელთა თამაშზე ისაუბრა.

"მომენტები, როგორც მათ, ისევე ჩვენც გვქონდა, სწორედ ამიტომ, თავში არ მოგივიდოდა აზრი, რომ შეხვედრა ანგარიშით 0:0 დასრულდებოდა”, – აცხადებს მატა.

"მიუხედავად შეხვედრის ინტენსივობისა, თამაშით ვისიამოვნე. ბედნიერები და კმაყოფილები ვართ, ახლა კი უნდა გავერთიანდეთ და კვირას გასამართი ფინალი მოვიგოთ”.

"იტალიამ ფანტასტიკური მატჩი ჩაატარა და ბევრი პრობლემა შეგვიქმნა”, – დაასრულა ლონდონის "ჩელსის” ვინგერმა.

შეგახსენებთ, "ფურია როხამ” "სკუადრა აძურას” პენალტების სერიაში აჯობა, ანგარიშით 7:6. თავად ხუანი მოედანზე შეცვლაზე გამოჩნდა და "საფეხბურთო ლატარიის” მიმდინარეობისას ბუფონის კარში მეხუთე ბურთი გადაგზავნა.

წყარო: Football Espana